Les Boucs d’Orcières / Conte

Les Boucs d’Orcières

 

  Les boucs d’Orcières. Une fatorgue : L’Épopée des bicho(les Boucs-Lecteurs) leur Iliade, leur odyssée, leur geste fondatrice… Un conte en vieux parler gavot recueilli par Martine Mariotti en 1984 auprès de Marie Nicolas, une conteuse du Champsaur : Le conte, un savoir dire…. Doctorat d’université de Provence, Aix en Provence, 1988. Childeric au cours de ses veilleries en donna des versions toute personnelles, l’adaptant, le modifiant, privilégiant la figure du margalhèr, s’attachant à brouiller les codes de lecture en évacuant les références à la présumée bêtise des Orsatus pour brocarder les curés, les autorités et les ethnologues !

 

Aié un pastre en Orcièras que gardava de bocs sus la montanha…dis :
-Vaqui qu’una nuèch ven un oratge espovantable : d’eilucis, de tornoiras, un vent qu’emportava tot… Alors lo pastre se levèc e dissèc :
– Me chau sortir de ma cabuna ! Mei bocs van prendre paur !
alors, en èfet, lei bocs èran tois drèchs, aién tots paur ! Ven, lor dis :
– Mei menons, mei menons…, n’aiatz pas paur !… Siéu aqui ame vos autres !…
A ! Se beat a plore de grossas gotas…, Lei bocs n’aién p’encà trop paur : brandavan les orèlhas. Mes vaqui que tomba, que se beta a tombar de grèla, de grelons gros coma d’uous !…A…, aguèc bèu far lo paure pastre, lei bocs voguèron plus l’escotar, fotèron lo camp. E devalèron la montanha !… Arribèron sus la plaça d’Orcièras, davant la gleisa !… Vaqui que lo margalhèr – aquèu que sona las clochas, l’angelus dou sèr -, d’abituda, sarava a clou !… Mes aquèou sèr, aié essubiat e lo vent aié dubert la…, e lo vent aié dubert la gleisa…Lei bocs veién la porta duberta, li entran tots e van s’instalar eilamont, dins lo cur ! Li aié una quarantèna, pensatz veire ! E…, li aié de tapis…, s’en èran coijar dessus, èran a lor aise…
D’aquèu temps, aquelès que sonavan l’angelus se fasién…, èran fiers de venir lo sonar bien matin e venian totjort avant lo jort ! Lo margalhèr, coma d’abituda, ven pre sonar, troba sa gleisa duberta e dis :
– Té !…. Bé, ièr, ai belèu essubiat de virar la clau !
Alors, va, li entra e qu’es que vei ?… Lo cur, eilamont de la gleisa, plèn, plèn de lumes, se dis :
– Mes qu’es aquo ?
Avança un pauc mai…, vei de cornas… Dis :
– Mon Dieu ! Mon Dieu !…, lei diables !… Que fasié tant marrit temps…, lei diables son descenduts sus la terra !
Vai criar lo preire…
– Monsur lo curat ! Monsur lo curat !
– Bé, que’es que li a Jan Piare ?
– A Monsur lo curat, si sabiatz ! A ! Venetz vite ! Venetz vite !
– Bé, ta femna es marata ?
– O ! Si n’èra qu’aquo Monsur lo curat !
– Bé, dis me que li a, anèm, que m’abilho ! Es morta ?
– O ! Paure ! Monsur lo curat, es plus grave qu’aquo ! Figuratz vos, qu’aquèste nuèch, que fasié tant mauvas…, lei diables…, son tois descenduts e an remplit nostra gleisa !
– O ! Bé ! Que me dises aqui ? O bé vai ! Vau vite prendre mon breviare ! E dirèm ‘na priera …, Lor fare fotre lo camp !1
Vaqui que lo preire…,venan totei dos, s’instalan a la porta de la gleisa…
E bzin…, bzin…, bzin… de prièras, de prieras…Mes lei bocs !…, que n’aién paur que dou pastre !…, brandavan las orèlhas. Alors li dis :
– Jan Piare ! Vai prendre d’aiga benita…, si l’aigua benita lei cocha pas, li a ren a far !
Mes, pendant d’aquèu temps, lei Orsatus s’èran tois levats ! E veién tot aquèu monde, les uns après les autres, que s’atropavan davant la gleisa !… Totas las femnas…, surtot, que son bien curiosas e d’aquèu temps encà mai qu’avura… [rire] venguèron totas ! Lo preire…, s’avança un pauc…, fote d’aiga benita…Lei bocs : Tchin…Tchin… [la conteuse fait mine d’éternuer] Lo preire dis :
– Escotatz ! Mei braves ! Pisque l’aiga benita…, li a ren a far !
– Bé, qu’anèm far ? Bé, qu’anèm far ?
A !…, e se demandavan tots, se disén tots :
– Bé ! Quanèm far si poièm plus intrar en nostra gleisa ?
Penadant d’aquèu temps, chau que voi diso… Nostre pastre, eilamont, aié suivit la piàa de sei bocs…, dins la possièra…, aién laissat lor marca ! E arriba…, lei suiva jusc’a davant…, arriba sus la plaça…, vei tot aquèu monde e s’inquièta ! Dis :
– Bé qu’es que se passa ? Qu’es que li a ?
– E, O ! Bé ! Chau bien que veniatz de luènc mon brave ome pre pai saupre ço que se passa…, figuratz vos, que…, aquèsta nuèch que fasié tant mauvas, lei diables son descenduts de l’enfer, son tois dins nostra gleisa !
– Qu’es que disetz ?
E veèu qu’era pus malin que velès, veguèc a pauc près ço qu’èra !…Alors dissec : « O ! Mes me chau tirar profit ! » …Alors lor dis :
– A ! Bé ! Escotatz ! Iéu, siéu pron brave, mes me chau paiar…, Si me beilatz pron, me charjo de lei far partir !
– O ! Que disetz, brave omé ? Que disetz, brave omé ? E quant vos chaudrié ?
– A !… es que risquo ma vita…, e mon ama !
A, bé, reflechissèc un pauc e dissèc :
– Chau que me beilassin cinc cents francs (cinc cent centimas d’avura)
En pèças, en escus d’or !
Es qu’aquo fasié una fortuna d’aquèu temps, pensatz veire ! …En aquèu temps, una vacha costava a peine dos cent francs (dos cent centimas d’encuei) ! Alors dis :
– E, bé, entendu ! Mes escotatz ! Amatz d’abord ramassas lei sos ! Betatz les entre lei man dou maire, percéque, iéu, é…, voro estre paiat après !
Vaqui que lei bravas femnas partan totas… Chascun aié un pauc d’argent, d’escus d’or…, e venan, e beilan la som au maire… Quant lo maire a la soma, véu la conta e dis :
– E bèn avura durbetz lei dos portas !…, e garratz vos dou pas precèque respondo pai dei accidents !
Aganta son baston e s’avança. Mes la chambriera doù preire, qu’èra encà la femna la plus curiosa, s’aprochèc un pauc pre veire…E quand vèu eilai, tapa sus sou :
– Aqui, aqui mei menons…, e grimpatz a la montanha onte li grimpo !
[La conteuse frappe de son baton sur le sol] (Es aquèus que lei menavan…) Tots se dreissan, prenan de l’elan…, e vram, renversan la chambriera dou preire e li cassan lei dos jambas !… Bramava…- coma devié bramar, lo mau que lui fasié ! Mes vèu, véu ven e dis au maire
E bé…, me vaqui…, son partits ! Beilatz me lei sos !
Lo maire li beila lei sos e lo complmentava :
– E que siatz brave…, e que siatz brave !
-Veu li dis :
– Me disatz pas tant que siéu brave ! Iéu vau voi dire : « Sacrés » Orsatus ! Vos coneissiéu bien bestias…, mes pai naifs en aquèu point ! Anatz far soinhar vostra vostra chambriera dou preire e iéu, ai ganhat una bela jornaa !…, ai trobat mei bocs e m’en vau content a la montanha !….Ai mas pochas plènas e vos autres, é bé…amatz un pauc ruminar sus ço que venetz de far !
Et voilà [rire], voilà….

 

About the Author: chil_177_deric

Leave A Reply

Votre adresse de messagerie ne sera pas publiée. Les champs obligatoires sont indiqués avec *

error: Content is protected !!